Kahan kahan dhunda
Khud ko dhunda
Shor mai dhunda
Tau khamoshi ko paya
Roshni mai khoja
Tau andheron ka khayal aya
Tanhai mai dhunda
Tau Ronaq mai paya
Yun achanak he say khayal aya
Lamhon nai jakra
Tau nafrat mai pakra
Kisi shayer ki likhi ghazal mai paya
Chand mai khoja tau
Sitaron K tukron mai paya
Kitabon ko parha
Tau lakiron mai dekha
Weeranai ko janja
Tau khauf mai aya
Asmaan ko pukara
Zameen ko lalkara
Kisi behke hue avtaar ko paya
Nashe mai khoya
Tau bedaari ko paya
Kisi lashaur bazaari ko paya
Darakhton K gumaan mai paya
Banjar chitaan mai paya
Par jab hansi mai dhunda tau bebasi ko paya
Jab khud mai dhunda
Tau tujh mai paya

Advertisements

Raqeeb

Qismat Kai raqeeb
Sab bas gaye ik shehar mai
Jahan chandi mela hota tha
Aur andherei ka pehra hota tha
Par hawain khub chalti thien
Jaise paigham lati houn
Dusre paar se kisi thehrao ka
Dhalta Suraj bas dhalta rehta
Aur chand ko zang lag gaya tha
Par sitare khud roshan thai
Jaise shamyane khud roshan houn
Sham hoti ya raat hoti
Wo qismat Kai raqeeb
Mehfil se bach kar, konon Mai ja chupte thai
Hum jante thai sab raste
Sab deewaron se mulaqat thi
Sab andhero ka pata tha
Ik raqeeb tha uska, dusra mera chehra

Aik Adhuri Mulaqat

Us anjaan se verane mai jisko bheer kehte hain, main khud se mili

Aur wo kia mulaqat thi, kashmakash thi aur barsat thi

Bheer ghafil thi aur mai tanha

Phir maine khud ko dekha

Anjaan ban gayi jab maine khud ko dekha

Jana tha shayad kahin mujhe aur raste ki talash thi

Kehna chaha kuch khud se, sehlana chaha aur manana chaha khud ko

Rokna chaha aur btana chaha k kher he tau hai

Par mai tau yun khari thi, anjaan…ghaflat mai aur akeli

Bheer ki manind

Alfaaz na thai, ehsas gum tha

Phir hum dono ne apne ap ko dekha

Kuch kehna tha shayad

Afsos lafz khatam thai aur bheer bohat thi

Apne raste chal diye

Phir agar milen tau bat zrur krain gai khud seindex