Raqeeb

Qismat Kai raqeeb
Sab bas gaye ik shehar mai
Jahan chandi mela hota tha
Aur andherei ka pehra hota tha
Par hawain khub chalti thien
Jaise paigham lati houn
Dusre paar se kisi thehrao ka
Dhalta Suraj bas dhalta rehta
Aur chand ko zang lag gaya tha
Par sitare khud roshan thai
Jaise shamyane khud roshan houn
Sham hoti ya raat hoti
Wo qismat Kai raqeeb
Mehfil se bach kar, konon Mai ja chupte thai
Hum jante thai sab raste
Sab deewaron se mulaqat thi
Sab andhero ka pata tha
Ik raqeeb tha uska, dusra mera chehra

Advertisements

Sahaara

Yaar kai wasf ne belagaam kar dia
Kon be-sahara tha is weerane mai,
Us ne kinara kar dia
Dhool mitti ka khel hai,
Be-yaar ne lachaar kar dia
Fakiri shoba hai ameeron ka,
Be-qaif ne na-umeed kar dia
Darichay mai khara rehta hai sayal,
Umid dilai thi haakim ne–ik aas,
Kai khel ne be-parwa ko be-los kardia
Kehte hain bhuk lagti nahi shehhansha ko
Saqi ki pyaas ne-poorab ko pachim kr dia
Ghair daikhte rahe jharookon se,
Umme laila ko yun,k jisam pakiza kar dia
Pee k maidan mai ajate hain khuda k paishwa,
Murawat ne aise he badnaam kar dia
Jo mai khanai na ja saka usko,
Haqiqat ki parchai ne be-qabu kar dia
Ameer gharib ko dekhta raha–
Gharib yunhi bikta raha
Kon tha kiska Sahara,
Waqt ane pe kandhai ko he jar se kalam kar dia

Sawal

Sarak pe beth k sukh ki neend chahta hun
Mai nukta hun, gehrai beshumar chahta hun
Be yaar para hun, sukun chahta hun
Mai anchal hun, girift beshumar chahta hun
Parwana hun, uraan chahta hun
Jalti shama dekh k jalna, beshumar chahta hun
Akela hun–sab kuch fanaa chahta hun
Sach kia hai, khudai kai wasf se doori beshumar chahta hun
Aina hun–andhere ka
Roshni se labrez pukar chahta hun
Ashk bahaana seekha hai
Ab khud pe hansna beshumar chahta hun
Behangam sa khauf hun mai
Roothi hui dastan
Ab ik nazm bemisaal chahta hun

Murawat

Qadeem Khanay tau dur hogaye
Ankhon ki zad mai akai, saathi majbur hogai
Qehat zada tamashon mai,
Dhundai baarish k qatrey
Aj yatim khanay phir se bhuk se bharpur hogaye
Sada e haa gunjti hai har jaga
Par thakti hui tamana qaid mai akai bewujud hogayi
Shor machta hai pas e manzar mai
Aur thakti hui Ronaq shehar k hujum mai lashaur hogayi

Kahani

Kuch dair hai tere ane mai
Shehri bas gaye apne thikano mai
Sayal ghayab hogya sanate mai
Waqt chup sa gaya badal mai
Ab ki baar tu na aya,
Tau chand khaif hojeya ga
Gar agya tau roshni mai dhal jayega
Ye kahani bari purani hai
Par phir bhi dunya se anjani hai

Aqeedat Mand

Sabr krne ka na kehna aj mujhe

Sabr ‘wali’ he krte hain

Ibadat krne ka na kehna aj mujhe

Ibadat naikokar he krte hain

Zulm krne ka na kehna aj mujhe

Zulm ameer he krte hain

Dua krne ka na kehna aj mujhe

Dua mujadid he krte hain

Parhaiz krne ka na kehna aj mujhe

Parhaiz farmabrdar he krte hain

Intezar…usko nibhana hum khub jante hain

Intezar hum jaise he krte hai

Kehne ko tau hum bhi aalim hain

Magar hujum ye kb samaj sakta hai

Faqat logo se judai daikhi

Na gehna daikha na sehna daikha

Tulu e shab ka na puchna aj humse

Uska tau moazan ko he pta hoga