Splendor in the Dark

Badalta mausam, charta suraj dekha
Tum ne mera ehsas na dekha
Dhalti shaam, gehri raat dekhi
Tum ne meri dil ki pyas na dekhi
Subh ka ujala, sawera dekha
Tum ne mere pe ayi tanhai ka basera na dekha
Lehren samandar ki, asmaani bijli dekhi
Tum ne mere wujud ki bujhi hui ragini na dekhi
Chaand ko dekha, suraj ko dekha
Tum ne mere takhayul pe aya garehan na dekha
Dhuwan dekha, wabal dekha
Tum ne mere dil ka malal na dekha
Maine tum ko dekha–tum ne mujhko dekha
Beech mai ayi waqt ki dewar ko na dekha

Advertisements

Shaam

Dhal gayi phir se sham
Hua yunhi din tamam
Ujale aur roshni hogai aam
Sitare madham ho gaye phir
Undhay mun so gaye phir
Ronaq basti mai yunhi
Khamosh khari reh gayi bas
Khud se batain karti karti
Achanak se beh gayi bas
Yundi din char jayega
Jaise sham sulag gayi thi

Parable

Yun tau rut bahar ki hai
Par sanaata chupta nahi
Sab log moondhai pare soye hain
Aur har andhera hairan hai
Bheer bani Hai khalkat sari
Ik dusre se na-tawan Hai
Ayena batain karta hai
Khali diwaron se
Pardai pare hain pardon pe
Aj tau rut hai rangini ki
Par andhera beshumar Hai
Mai bhi khud se chup gayi hun
Kyunk milna kafi dushwar hai

Chaon

Na cher parwane ko, na saaz hai kuch
Badlon ne btaya, mee aj khaak se milan sar hai kuch
Hum he hain bas yunhi basera karte hain
Na andar k hain na bahir k
Badu hain kisi ameer khanai k
Zulm k agai kafir hain, aur
Zalim k agai momin hain
Par sach pucho tau Ronaq k andhere main
Yunhi tanha hain, jaise aatish hai pathar k agai
Lachar kuch

Murawat

Qadeem Khanay tau dur hogaye
Ankhon ki zad mai akai, saathi majbur hogai
Qehat zada tamashon mai,
Dhundai baarish k qatrey
Aj yatim khanay phir se bhuk se bharpur hogaye
Sada e haa gunjti hai har jaga
Par thakti hui tamana qaid mai akai bewujud hogayi
Shor machta hai pas e manzar mai
Aur thakti hui Ronaq shehar k hujum mai lashaur hogayi

Aqeedat Mand

Sabr krne ka na kehna aj mujhe

Sabr ‘wali’ he krte hain

Ibadat krne ka na kehna aj mujhe

Ibadat naikokar he krte hain

Zulm krne ka na kehna aj mujhe

Zulm ameer he krte hain

Dua krne ka na kehna aj mujhe

Dua mujadid he krte hain

Parhaiz krne ka na kehna aj mujhe

Parhaiz farmabrdar he krte hain

Intezar…usko nibhana hum khub jante hain

Intezar hum jaise he krte hai

Kehne ko tau hum bhi aalim hain

Magar hujum ye kb samaj sakta hai

Faqat logo se judai daikhi

Na gehna daikha na sehna daikha

Tulu e shab ka na puchna aj humse

Uska tau moazan ko he pta hoga