Power

Taaqat k dewata aj
Yun begane hue hain
Kapre noch liye hon jaise
Lekin jild utar pehne gai
In sab logon ki
Jo behangam nashe se bahir hain
Khaal utar pehne gai
Gharib ke jhulaste badan ki
Kisi yetim ki, kisi faqir ki
Kisi bebas ke zamir ki
Taaqat k dewata aj
Phir se thikane lage hain
Phir se begane hue hain
Aur hum
Matti k peshwa
Aise he dewane hue hain

Advertisements

Kahan kahan dhunda
Khud ko dhunda
Shor mai dhunda
Tau khamoshi ko paya
Roshni mai khoja
Tau andheron ka khayal aya
Tanhai mai dhunda
Tau Ronaq mai paya
Yun achanak he say khayal aya
Lamhon nai jakra
Tau nafrat mai pakra
Kisi shayer ki likhi ghazal mai paya
Chand mai khoja tau
Sitaron K tukron mai paya
Kitabon ko parha
Tau lakiron mai dekha
Weeranai ko janja
Tau khauf mai aya
Asmaan ko pukara
Zameen ko lalkara
Kisi behke hue avtaar ko paya
Nashe mai khoya
Tau bedaari ko paya
Kisi lashaur bazaari ko paya
Darakhton K gumaan mai paya
Banjar chitaan mai paya
Par jab hansi mai dhunda tau bebasi ko paya
Jab khud mai dhunda
Tau tujh mai paya

Twister

Andhere k pichai bhagte bhagte
Roshni see itni dur agaye hain
K ab na andhera milta Hai
Na ujala
Jane do, gherai he tau hai
Gehrai ki khoj mai meelon dur
Kinaray pe he kharai reh gaye hain
K ab tau na aar milta hai
Na paar
Jane do, rait he tau hai
Aag see bachte bachte ab
Dhuain main gum gaye hain
K ab na rasta milta hai
Na therao
Jane do, wujud he tau hai
Khud ko dhundte dhundte
Ab aise awara hue
K na falak dikhta hai
Na abad
Jane do, fanaa he tau hai

Sahaara

Yaar kai wasf ne belagaam kar dia
Kon be-sahara tha is weerane mai,
Us ne kinara kar dia
Dhool mitti ka khel hai,
Be-yaar ne lachaar kar dia
Fakiri shoba hai ameeron ka,
Be-qaif ne na-umeed kar dia
Darichay mai khara rehta hai sayal,
Umid dilai thi haakim ne–ik aas,
Kai khel ne be-parwa ko be-los kardia
Kehte hain bhuk lagti nahi shehhansha ko
Saqi ki pyaas ne-poorab ko pachim kr dia
Ghair daikhte rahe jharookon se,
Umme laila ko yun,k jisam pakiza kar dia
Pee k maidan mai ajate hain khuda k paishwa,
Murawat ne aise he badnaam kar dia
Jo mai khanai na ja saka usko,
Haqiqat ki parchai ne be-qabu kar dia
Ameer gharib ko dekhta raha–
Gharib yunhi bikta raha
Kon tha kiska Sahara,
Waqt ane pe kandhai ko he jar se kalam kar dia