Wujud – e- Zan

Khaak ho jain gai sab ajnabi shehar

Matti ka dher houngai sab shehar wale

Ronaq katai gi asmanoun ki

Awazain shall houngi parwano ki

Mouti aag houngai

Aur basairay chaak houngai

Par mardangi phir bhi be-daagh hogi

Aur aurat phir bhi na-paak hogi

Zulm khatam hoga..lekin,

Zulm ki daastan khuli kitab hogi

Parhne wale houngai kam

Aur abroo o wujud uska neelam hoga

Hanse gi khalkat wese he andaaz se

Zanjeer sab ka zewar hoga

Pusht pe aur khayal pe

Wesa he andhera hoga

Advertisements