Blatant

Kabhi kabhi sochne pe–ye kamzor dil majbur sa hojata hai

Ajnabi chehron ki pehchan–apnon mai karne pe majbur sa hojata hai

Labon pe atai lafzon kai pichay–lipte wujud mai samone pe majbur sa hojata hai

Sanam khanai aur mai-kade k–darwane pe dastak dene pe majbur sa hojata hai

Thandi aahain bhar kai–garam ahat mai dhanp jane pe majbur sa hojata hai

Apne aap mai gum tau gum–Yaar kai wujud mai gum hone pe majbur sa hojata hai

Nazr na milain aap–dil in nigahhon main be-wujud hone pe majbur sa hojata hai

Advertisements

The Moth and the Flame

Is nazm k pichay aik choti si dastan chuppi hai–jo agar bayan krdi jaye tau samajhne mai asani hogi. Ye dunya ki sab se purani dastan hai–aik Parwane aur aik Shama ki.

Aik raat Parwana Shama kai pas aya aur jaise he us mai samone laga tau Shama barham hui aur kaha k–‘Ay Parwane tera maqaam ye nahi kai tu mujh mai samoye aur bhasam ho jaye–Tu tau azal hai–tera uncha naam hai’.

Is k jawab mai Parwane ne jawab dia—
~~ La maqam ko maqam na de–log lapata hain, unko qayam na de
Jo hain parchayan-unko azal ka jaam na de
La-parwa basere hain–unko lagam na de

Ye sun k Shama ne kaha–
~~ Mera ujala aaj bhi hai aur kal bhi–
Phir ye baat aj he kyun?

Tau Parwane ne jawab dia–
~~ Aj ko kal ki trha–koi uncha naam na de

Ye sun k Shama puri tapish mai ayi tau Parwana ahista se bola–
~~ Khatam ho jayen gai–par tu kisi ko ye paighaam na de

Splendor in the Dark

Badalta mausam, charta suraj dekha
Tum ne mera ehsas na dekha
Dhalti shaam, gehri raat dekhi
Tum ne meri dil ki pyas na dekhi
Subh ka ujala, sawera dekha
Tum ne mere pe ayi tanhai ka basera na dekha
Lehren samandar ki, asmaani bijli dekhi
Tum ne mere wujud ki bujhi hui ragini na dekhi
Chaand ko dekha, suraj ko dekha
Tum ne mere takhayul pe aya garehan na dekha
Dhuwan dekha, wabal dekha
Tum ne mere dil ka malal na dekha
Maine tum ko dekha–tum ne mujhko dekha
Beech mai ayi waqt ki dewar ko na dekha

Ghari

Qyamat ki kia ghari hogi
Sab ko bas apni he pari hogi

Kia karain gai ashiq sarai
Kia yaad ayen gai jinke jeete thai wo saharai

Is khel ko tabhi gham-e-hijran kehte hain
Isko hum he yun sehte hain

Vortex

Baat bas itni hai
Tujhe sameta nahi maine,
Tor dene k baad
Baat bas itni hai
Tujhe tora nahi maine,
Bikher dene k baad
Baat bas itni hai
Tujhe bikhera nahi maine,
Chah lene k baad
Baat bas itni hai
Tujhe chah lia maine,
Khud ko tor lene k baad
Baat bas itni hai
Tune samjha nahi mujhko
Bikher dene k baad
Baat sirf yehi hai
Maine khud ko paya nahi hai
Tujh ko kho dene k baad

Aj wohi shor barpa hua hai
Wohi shamyane baj rhe hain
Wohi visaal ki ghariyan a gayi hain
Wohi firaaq ka badal–paglaya sa
Wohi tanhayi phir se a khari hai
Wohi dard ankhon mai
Sab he mai khane mai akathe hue hain
Apne dard ka dhol pit rahe hain
Wohi shor barpa hai
Itne log hain muhabbat krne wale
Itne log hain ishq krne ko
Aur ulfat faqat chand se hui hai
Itni ankhen dub gayi hain
Kisi ajnabi si zid mai
Au wo wahin hai
Hairaan khari hai
Phir se akeli reh gayi hai
Kon bataye inko
Shab-e-tamana hai shewa uska
Rangon se nikal kar pasand hai
Andhere mai dub jana usko
Itne log hain ishq krne ko
Par ulfat faqat chand se hui hai
Lekin Ronaq ka nahi koi dewana
Isko isi trha ata hai sath nibhana