Adhe murawat mai mar gaye–
adhe malal mai
Kuch umr guzri bhagte bhagte,
Baqi intezaar mai
Subh K ujale se lekar-
Shaam ki tariki tak
Kuch ishq mai guzri
Baqi dil k wabal mai
Dhunde jo dost ajnabion mai-
Tau kuch ki dor kachi nikli
Kuch ki pukhta haal mai
Yunhi aksar hansi ajati hai–
Dunya K dasturon pe
Jo acha lage haram hai,
Lekin atki rooh hai halal mai
Main aksar doob si jaati hun
Kisi ajeeb se gehre jaal mai
Adhi zindagi murawat mai lipti hai
Baqi malal mai

Advertisements

3

Firaaq kai badal ka dhal jane ka jee chahta hai yun
Qayamat ani ho jaise
Unki hansi pe qurbaan jane ko jee chahta hai yun
Umr qaid honi ho jaise
Tham si gayi hai parchai kuch yun
Milne ki umeed Mar si gayi ho jaise
Hum hasrat mai dil k teen tukre kiye hue thai yun
Suraj chaand aur zameen hon aik jaise

Untitled

Hazaron saal beet jayen gai aise
Hum palat kar laut ayen gai kaise
Jahan khud ko chor gaye thai–
Ab wahin payen gai kaise
Tmhare kie intezaar ko– mitain gai kaise
Itne safr kiye thai
Ab auron pe jain gai kaise
Unhi logo se, jinse ulfat hogai thi
Wapis unke dil mai khud ko pohanchain gai kaise
Sab apni simt ho liye
Ab tujh mai khud ko pain gai kaise
Hazaron saal beet chuke hain
Khud ko khud se chupain gai kaise

54

Jab uthne lagte hain tau
Rok lete hain khench k pallu
Jab ruk jayen tau parda daal lete hain
Yehi kahani hai
Aise he sunani hai

Unki kashish lapet leti hai
Lafz uljha dete hain
Sach pucho tau jism ko sulga dete hain
Aag aisi k eman ko suljha dete hai
Yehi kahani hain
Aise he sunani hai

Ankhen sawal karti hain
Dheron malal karti hain
Dhuwen mai ur jati hai–
Wo dewanangi jo kufr ko halal karti hai
Yehi kahani hai
Aise he sunani hai

Pehle nichawar hote hain
Phir beech daldal k chor dete hain
Rooh ko chalni karte hain
Raste ki dor aise he tor dete hain
Yehi kahani hai
Aise he sunani hai

Phir jab hum bhul jate hain
Tau wo yaad dilate hain
Hum tau sab yaad karte hain
Par ankhen chura kai karte hain
Yehi kahani hai
Aise he sunani hai

Dar sa lagta hai aksar
Ulfat se hoti hai
Mai itni Ronaq mai bhi
Sehmi hoti hun aksar
Yehi kahani hai
Aise he sunani hai

Andhere mai pare hain khali kaghaz
Qalam sukh chuke hain
Khamoshi hai aur khwahish hai
Yehi kahani hai
Ab hui begani hai

93

Tanhayon mai rehne ki adat hai
Zanjeerain sehne ki adat hai
Haqiqat hai ye-
K taqdeerain sehne ki adat hai
Jo pardon mai chupa hai
Dunya walon ko,
Us pardai he ko cheer daine ki adat hai
Jaam pee k humko isi liye–
Gehrai mai rehne ki adat hai
Wo pakeezgi dhunte hain
Phir humain jhinjorte hain
Lekin humko tau bebaaki mai reh kar–
Karwa zehar peenai ki adat hai
Jo gumnaam shehar abaad thai
Bas wahin tamashe ki adat hai
Khuda ko dekh lia hai humne
Tabhi tau usko yaar kehne ki adat hai
Majbur hogaye thai hum
Tabhi tau zinda ho K bhi,
Marjane ki adat hai
Roza’e ashqui pe jab bhi jana hua
Tau sulagne ki adat hai
Jab sab fanaa hota hai
Tau khush hone ki adat hai
Wo pathar ban gaye thai sab log
Tabhi gharib ko bebasi ki adat hai
Lagaam do, bus bohat hua!
Isi liye qaide aur asoolon ki adat pe
Majbur hone ki adat hai

Kahan kahan dhunda
Khud ko dhunda
Shor mai dhunda
Tau khamoshi ko paya
Roshni mai khoja
Tau andheron ka khayal aya
Tanhai mai dhunda
Tau Ronaq mai paya
Yun achanak he say khayal aya
Lamhon nai jakra
Tau nafrat mai pakra
Kisi shayer ki likhi ghazal mai paya
Chand mai khoja tau
Sitaron K tukron mai paya
Kitabon ko parha
Tau lakiron mai dekha
Weeranai ko janja
Tau khauf mai aya
Asmaan ko pukara
Zameen ko lalkara
Kisi behke hue avtaar ko paya
Nashe mai khoya
Tau bedaari ko paya
Kisi lashaur bazaari ko paya
Darakhton K gumaan mai paya
Banjar chitaan mai paya
Par jab hansi mai dhunda tau bebasi ko paya
Jab khud mai dhunda
Tau tujh mai paya

Torpor

Khaali pari hun…Bedaagh si
Jism hai, par jaan nahi
Raat ke ujale mai
Pareshan si
Subh k andhere mai
Hairaan si
Khamoshi ka behangam sa shor
Aur apne he kinare lagi hun
Sheeshai ki kashish se mutasir
Khud se lipti khari hun
Dur jaon tau wehshat si hai
Paas ajaun tau dikkat si hai
Dubti shaam kai shahare mai
Khud mai hun
Bekhud si